حكايات بنت ف 1 ثانوي

الحلقه السابعه عشر
مريم : كاتب ايه

ام مروه : كاتب "انا الاول "

مريم : يا سيتى ما يشغلناش الكلام ده المهم ان مروه عقلت وفهمت مصلحتها ...........المهم مبروك لمروه وهمشي انا هجيلكم بكره

ام مروه : طيب ما تقعدي ياوزه شويه

مريم : لا شكرا .. كفايه كده اروح اشوف ورايا ايه .. سلام يا مروه كلمى رغي ف التليفون الله يسهلو يا سيتى


بعدها باسبوع وف خطوبه مروه

مريم :اش اش ايه القمر ده ما شاء الله

مروه : حلوه بجد

مريم : قمرررر

ام مروه : عقبالك يا مريم

مريم : احم احم بعد الشر

ام مروه :ههههههه يا شيخه اتلهي بكره تقولي انا عاوزه من ده يا حزنبل

مريم : هي ياسمين لسه مجتش ولا ايه

مروه : لا لس... وقبل ما تكمل

يا سمين : انا جيت

مروه : كنت لسه هقوله النادله مجتش لحد دلوقتى ليه

مريم : طيب يلا مش هنخرج بقي ولا ايه فين خطيبك صحيح ؟

مروه : بره

ياسمين : طيب يلا نخرج

وبعد ليله حلوه وبعد ما لبسو الدبل والفرح خلص

مريم : احنا هنمشي بقي يا خالتى

ام مروه : اقعدي يا بت وانا هبقي اوصلك

ياسمين : خلصي لو هتقعدي عشان انا همشي

مريم : لا معلش انا همشي بقي مبروك يا مروتى مبروك يا عريس


وتانى يوم ف درس الفرنساوي
المسيو : اومال فين مروه ام راس عجل ...... صحيح ماهو اللي يتخطب عليه العوض ومنه العوض

مريم : ايه يا مسيو لازم تاخدلها يوميت ترفيه كده مش عروسه

ياسمين : هههههههه ترفيه ايه يا هبله دي مجرد خطوبه اومال اما تتجوز هتعمل ايه

المسيو : كفايه رغي منك ليها يلا نكمل الشرح ونرجع تانى ف الدور التحتانى ناكل لحمه ضانى ونحلي بسودانى ويقولك بقي لما نيجي نستخدم ال verb فالمستقبل بنزود النهايات ....

مريم (مقاطعه للمسيو ) : مسيو هو مين اللي كل شويه بيقولنا كل شويه تقول بيقولك لو هو اللي بيقولك علي طول نروح ناخد عنده الدرس احسن D:

المسيو : ههههه خفه ركزي معايا يام راس عجل


وبعد الدرس

مريم : يوخروبيت الثانوي علي الدراسه علي التعليم كله انا زهقت

ياسمين : اه والله عندك حق المشكله كمان ان المدرسين نيله يعنى مش كفايه علينا المدرسه لا اللي فيها ناس اعوذو بالله خصوصا بتوع الفزيقا والكيميكا والاربي كا

مريم : يا بنتى دول اصلا معندهمش ضمير كل همهم اعمال السنه والدروس وخلاص

ياسمين : يلا ربنا يرحمنا

مريم : اقولك علي خبر وحش

ياسمين ا:تحفينى



الحلقه الثامنه عشر

مريم (بخبس ): جدول الامتحانات نزل

ياسمين : يالهووووي امتى الامتحانات ؟

مريم (بخبس بردو ): بعد 3 اسابيع

ياسمين : هااااااار اسود ده انا فاضلي مواد كتيره مخلصتهاش

مريم : هههههههه انتى مواد كتيره مخلصتيهاش انا المواد كلها مخلصتش هههههههه

ياسمين : علي فكره ده اخر اسبوع هروحه المدرسه عشان اشوف هلم اللي ورايا ازاي

مريم : اه وانا كمان

وتانى يوم ف المدرسه

مدرس الجغرافيا : ازيكم يا بنات ... بصو مش عاوز ولا كلمه عشان المنهج هيخلص انهارده يعنى هيخلص صحيح انتو ما شاء الله عددكم كتير اووى كده ليه !

بنت من الفصل : اصل البنات مش هيجو تانى

مريم : مستر ممكن اسالك سؤال

المستر : اتفضلي

مريم : هي الجغرافيا بتتذاكر ازاي

المستر ( وهو هاين عليه يقوم يخنوقها ) : ههههههه فاصل اسبوعين علي الامتحانات وانتى لسه بتسالي الجغرافيا بتتذاكر ازاي بصي تعالي ف الصيف وانا هقولك تذكريها ازاي

مريم : اوك هصيف ف المدرسه السنه دي يعنى اصلي بصراحه مش فاكره حاجه ف الجغرافيا غير " حار جاف صيفا دفئ ممطر شتاءا " تقولي دي تبع ايه ولا منين اقولك معرفش

المستر : انتو اصلا كلكم هتصيفو ف الجغرافيا اومال مين اللي هيونسنا ف الصيف D:

بعد اسبوع مروه بتتصل بمريم

مريم : الو

مروه : ايوا يا مريم فاضيه تجيلي

مريم : فاضيه ايه يابنتى انا امتحاناتي الاسبوع الجاي

مروه : اصلي عاوزاكي ضروري

مريم : في ايه طيب

مروه : اصلي هسيب خطيبي


الحلقه الاخيره

مريم : يا نهار ابيض ليه بس

مروه :عشان الشقه ضيقه اوووي وماما مش موافقه عليها

مريم : يا بنتى بقي ده سبب يخليكو تفسخو الخطوبه بس وبعدين انتومش المفروض كنتو تشفو الشقه قبل الخطويه

مروه : اهو اللي حصل بقي

مريم : طيب امك معقول هتنهي الخطوبه لمجرد ان الشقه ضيقه

مروه : بصي انا مخنوقه اووي

مريم : بصي اعملو اللي تعملو بس رائي انه لو عشان السبب ده بس يبقي بجد حراام عليكووو

مروه : يا بنتى وانا مالي هما اللي مش موافقين

مريم : وانتى ملكيش رائ يعنى

مروه : يعنى اقف قدام اهلي

مريم ( وهي متعصبه ) : لا العفوو ... خلاص انت متصله بيا تضايقنى يعنى دلوقتى ولا ايه

مروه (بنبره ياس ) : اصلا هو جاي يا خد حاجته كمان شويه

مريم ( جابت اخرها من العصبيه ) : اااه يعنى انتو خلاص خلصتو كل حاجه وانتى متصله تبلغينى مش بتاخدي رائ طيب يا مروه اوك سلام


وبعد الامتحانات وبعد النتيجه وبعد كمان فسخ خطوبه مروه التلت بنات نجحو وكانو بيشترو ايس كريم

مريم : يا سلام اخيرا السنه دي خلصت

ياسمين : اااخ انا مش عارفه دي سنه اولي اومال الشهاده هنعمل فيها ايه

مروه : ششششش اللي هيجيب سيره دراسه تانى عسيبكم وامشي

مريم (وهى بتلقح علي مروه ) : بت يا ياسمين عارفه رغم ان السنه دي كانت ممله وكئيبه بس اتعلمنا منها كتير وكل واحد كان ليه درس يارب يكون حفظه

مروه : انتى بتلقحي عليا يعنى ولا ايه

مريم : العفو يا حبيبتى ... بس عارفين احلي حاجه ان احنا التلاته مع بعض صحاب علي طول ولسه بناكل الايس كريم ف الشارع زي العيال

وكملو التلاته المشوار لحد ما كل واحده وصلت بيتها


كلمتى : كل يوم لكل واحد فينا ليه حكايه جديده .... حكايات الدنيا عمرها ما بتخلص والحكايه بتكون احلي لما بيزينها الحب اللي بتحب زوجها واللي بتموت ف خطيبها واللي بتعشق باباها ومامتها ... واللي زي مريم بتحب صحابها اوي واحلي حاجه ف الصحاب لما حبهم يدوم ورغم ان الدنيا بتلهي والحب بيتلاشي شويه شويه الا ان ف الاخر (القلب لا ينسي )

بحبكم