حكايات بنت ف1 ثانوي

الحلقه الثانيه عشر
مريم : علي ايه
مروه : خطيبي هنا حبيبي هنا
مريم (بدهشه ): ياراجل مين ده ؟
مروه : اخو جوز خالتي جه يكلم بابا
مريم (بلهفه ):طيب وامك وافقت ؟
مروه: اه بس بابا لسه مردش
مريم :طيب مبروك يا جزمه وابقي قوليلي الاخبار
مروه (بفرحه ف صوتها ): طيب سلااام يا قمررر

مريم بعد اما قفلت مع مروه فضلت تفكر وتقول (ايه ده هو الحب ممكن ف ثانيه يتنسي كده يعنى لو مروه فعلا حبت اللي كانت بتكلمه ده ليه وافقت بسرعه كده علي العريس الجديد ولو ده من عمايل سن المراهقه ماهو فعلا زي ما مامتها بتقول العريس ده هيتظلم لو هى جت وقالت مش موافقه ..... يووه انا هشغل بالي ليه انا بعمل اللي عليا معاها )

تانى يوم مروه اتصلت بمريم
مروه: ايو يا بت انتى نسيتى عيد ميلاد ياسمين ولا ايه
مريم : لا مش نسيت
مروه : جبتى هديه
مريم : لا لسه هفوت عليكي نروح نجيب انا وانتى
مروه: ماشي هستناكى ... بسرعه

وبعد ما اتقابلو و في محل الهدايا

مريم : ايه رائيك ف البيرفيوم ده
مروه : اه حلو وانا هجبلها علبة ال ميك اب دي
مريم : احنا كده هنبوظ البت ههههههههههه
مروه : ههههههههه ايواا بالظبط كده
مريم : بصي عندي فكره نشتري 3 كونو ايس كريم ونحط فيه شمع ونولعه ونتصل بيها تيجي
مروه: واول ما تيجي نولع فيها نيهاهاهاها
مريم : بتكلم جد
مروه : طيب هقولك عندي فكره تانى انتى مش كنتى تعبانه انهارده ف الدرس
مريم : اه ده انا كنت هموت بس الحمد لله البرشمين عملو مفعول بتسالي ليه ؟
مروه : بصي انتى هتتصلي بيها وتقوللها انك تعبانه اووي وانك كنتى بره بتشتري حاجه ومش قادره تروحي لوحدك
مريم : مروه انا مش بعرف احور هتفقسنى
مروه: لا جربي بس

وبعد ما كلمتها (وحور عليها )

مروه : مبتعرفيش تحوري هة يا بنتى ده انتى كنتى بتموتى وانتى بتتكلمى
مريم : انا والله ما اعرف مثلت حلو ازاي اكونش تعبت بجد ههههههه
مروه : المهم قولتلها احنا فين
مريم : اه بس هي متعرفش انك معايا
مروه: شششش اهي جايه اهي بسرعه استخبي

وبعد ثانيتين

مريم . مروه : بخ خ ... كان يوم اسود يووم ما جيتى

الحلقه الثالثه عشر

ياسمين (بعصبيه ): والله انتو عيال معفنه وانا اللي صدقت انك تعبانه يا مريم انا مش هصدقو تانى اصلا وهمشي سلام

مريم ,مروه(وهما بيلحقوها وهي ماشيه ): بت تعالي يعنى احنا نقولك كل سنه وانتى طيبه تسبينا وتمشي

ياسمين : ماهو يعنى دي حركه تعملوها فيا

مريم : ماهو مش كنا عارفين نفاجئك ازاى

ياسمين : وبعدين اطفو الشمع ده انتى وهي احناا ف الشارع

مروه : بصي دماغك محدش ليه حاجه عندنا

مريم : يلا نروح بيت حد فينا نلعب بالهدايا دي اصل احنا ناوين نبوظك يا ياسمين هههههه

وبعد ما قضو يوم جميل والكل روح بيته

ف المدرسه تانى يووم

ياسمين : لا مش من اولها كده فلسفه
الاستاذ: احب ابشرركم .. وقبل ما يكمل البنات ردو: بسنه سودا علي اللي مش هتذاكر

مريم : وبردو مغيرش اللون

الاستاذ : يلا هنسال والعصايا هتلف مروحه نيهاهاها

ياسمين : بت انا مش فاكره حاجه

مريم :لا انا مذاكره شويه

الاستاذ : قومى انتى

ياسمين :انا

الاستاذ : ايوا يا ام ضب قوليلي ازاي الفلسفه بتنمي الوعي لدي البني ادم

ياسمين : من خلال ما يعرف بالروح الفلسفيه

الاستاذ : اللي جنبك قومى
مريم :نعم

الاستاذ : اللي قالتو ده صح
مريم : لا .. بتمنى الوعي من خلال ان تجعله يتعقل في حياته ويحدد اهدافه .......الخ

الاستاذ : صح وانتى افتحي ايدك عشان تروح التسلوخات اللي ف دماغك دي
مريم : معلش يا ياسمين اهى عصايا صغيره يا اختى
يا سمين : ده هو استاذ متخلف اصلا مش المفروض مفيش ضرب ف ثانوي
مريم : ماهو يا اما يضرب يا اما يستعمل دفتر اعمال السنه
ياسمين : لا يضرب احسن هههههه
مريم : في درس عربي انهارده اوعي تنسي
ياسمين: اه ما انا عارفه

وف الدرس

الاستاذ : ادخلوو
مريم : ايه ده مين دوول هما البنات اتحولو ولا ايه

الحلقه الرابعه عشر

الاستاذ: لا دول هياخدو معاكم عشان هما فترة الظهر
مريم : خلاص يبقي احنا ناخد ميعاد تانى مش هناخد معاهم انهارده دول قاعدين فوق بعض
الاستاذ : خلاص بكره ف نفس المعاد
مريم : تمام كده

وبعد ما خرجو
مريم : قال كان عاوزنا ناخد مع الاستتظراف اللي جوا ده
ياسمين :انتى هتقوليلي ده الولاد دوول حاجه تقرف خصوصا اللي معانا ف المدرسه مش جايين يتعلمو ابدا
مريم : عندك حق ... بقولك تيجي نروح لمروه

ياسمين : ماشي يلا

وهما ف الطرق

مريم : مقولتلكيش مش في واحده قابلتنا واحنا بنجبلك هديه عيد ميلادك وبتقول لمروه هو انتى عندك كام سنه ف مروه استعبط عليها وقالتلها 18
راحت التانيه قالتلها اصلي جايبالك عريس مروه بتقولها مين قالتلها اخويا

ياسمين : وبعدين

مريم : مروه بتقولي ان اصلا الست دي قريبه اللي هو متقدملها

ياسمين : والله ما اناعارفه حكايه البت دي هترسي علي ايه
مريم : طيب اسكتى عشان واقفه بره اهى انا مقولتلكيش حاجه
ياسمين :ماشي

مروه : النادله والنادله صاحبتها اهى
مريم : يا بت نقي الفاظك بقي
مروه : عاملين ايه
ياسمين : الحمدلله
مريم : انتى عامله ايه ايه اخر الاخبار
مروه (بفرحه ): مش ماما خلتنى اكلمه
مريم : تكلمى مين
مروه: اللي متقدملي اللي هو تبع خالتى ركزي وحياة والدتك
مريم: يعنى كده خلاص واقفو
مروه : يعتبر .... اصل انا قولت لماما انا محتاره بين الناس اللي عماله تتقدملي دي ... اسكتى مش في عريس تانى
مريم :واللـــــــــه ... طيب وامك قالت ايه
مروه : قالتلي خلاص انتى يعتبر كده مخطوبه ملكيش دعوه باي حد بقي
مريم : المهم انتى كلمته قولتيله ايه
مروه (بسرحاان شويه ) : قالي عامله ايه قولتله الحمدلله قالي والمذاكره قولتله الحمد لله بيقول لماما هي مش بتقول غير الحمدلله قالتلوا الحمدلله ههههههههه

مريم : هههههه ايه يا ياسمين ما تشتركي معانا ف الحوار يا حبيبتى
يا سمين : لالا انا الحمدلله
التلاته : ههههههه
مروه : عارفه الواد اللي كنت بكلمه كل ما اطلع فوق السطح انشر يقعد يصفر
مريم : ملكيش دعوه بيه زي ما امك قالتلك انتى دلوقتى ف حكم مخطوبه
مروه : صح بس في حوار كنت عاوزاكى فيه
مريم : حوار ايه
مروه : هو انتى اتكلمتى مع ماما او حكيتلها حاجه

الحلقه الخامسة عشر

مريم (بتوتر ): لا بس ليه

مروه : اصلها جابتلي سيره الخط وقالتلي انى كنت بكلمه من عندك انا مش عارفه عرفت منين
مريم : بس اكيد انا محكتلهاش ووف سرها (امك دي غبيه اصلا عشان انا قولتلها متعرفيهاش حاجه من اللي اتكلمنا فيها )
مروه : انا خايفه يكون هو اللي قالها
مريم (بهدوء اعصاب ): بصي ما تبقيش عبيطه متفكريش دلوقتى غير ف العريس الجديد يا عروسه وشوفي هتبقي حاجه قدام الكل وبتكلميه وكده مش كانك بتسرقي
مروه : اه عندك حق ده احلي ما في الموضوع
مريم : طيب احنا هنمشي ومبروك وعقبال ما تبقي رسمي واشوف الدبله ف ايديك
مريم : يالا يا ياسمين وانتى شبه تمثال صلاح الدين كده
ياسمين : احترمى نفسك
مريم :ماهو انت مقولتيش ولا كلمه
ياسمين :انا مليش دعوه يا سيتى
مريم :طيب

وف المدرسه

مريم (وهي مش قادره تفتح عينها ): بت ياسمين انا بنام ايه الابله دي
ياسمين : ششششش لتسمعك
مريم : يا بنتى دي عشان تشرح حاجه مفهومه اصلا بتجيب 500 مثال خارج الموضوع وملهمش دعوه ببعض لحد ما بنسي اصلا هي بتشرح ف ايه
ياسمين : هى الفزيا كده عجبك ولا مش عجبك هي كده
مياده (صحبتهم ): يا عيال انا بسقط انا عيني عليها 2 كيلو حديد مش قادره افتحها

مريم :اهو الكيلو ده هو الغرض من الحصه عشان تشرح وحده القياس لازم تقولك مينفعش تقولي طولك 5 بطات او تقولي طولي 5 وتسكتي 5 ايه بطه قطه وزه طيب 5 بطات نايمن جنب بعض ولا واقفين فوق بعض اففففف حاسه لنى نزلت سوق التلات ههههه

ندي (بنت ف البنج اللي وراهم ) : علي رائيك يا بت انا هيغمى عليا

ترررررررررررن
البنات ف صوت واحد : الحمد لله
مريم : هيه اخيرا خلصت الحصه
مياده : انا فوقت دلوقتى مش بقيت عاوزه انام
وهما مروحين موبايل مريم رن

مريم : الو ايوا يا مروه ...... ايه ده مش مروه ازيك يا خالتى عامله ايه

ام مروه : انتى فين عاوزاكي شويه

مريم : انا لسه خاجه من المدرسه هفوت عليكي وانا مروحه

وبعد ما راحت

مريم :ازيك يا خالتى
ام مروه : الحمدلله (بس بتقولها بحزن شويه )

مريم : اومال مالك كده
ام مروه (وهي بتعيط ): انا خلاص تعبت من البت دي انا هقول لابوها كل حاجه
مريم : هي عملت ايه تانى بس مش خلاص اتظبتت
ام مروه: مش الواد اللي كانت بتكلمه كان عندي وقالي اساليها اذا كانت عاوزه اللي متقدملها ولا عاوزانى ولما سالتها قالتلي انها هتحاول تنساه يعنى معناه انها لسه بتفكر فيه وبعدين جه انهارده وقالي ها قالتلك ايه قولتله هي قالت انها عاوزه التاني قالي لا مقلتش كده وقالي نفس الكلام اللي هي قالته يعنى معنا انها لسه بتكلمه
مريم ك استحااااله تكون لسه بتكلمه هى مجبتليش سيره حاجه زي كده
ام مروه : اومال هو عرف الكلام اللي قالتهولي بالحرف ازاي
مريم : مش عارفه
ام مروه : انا خلاص خدت قرار هقول لابوها كل حاجه ويعمل اللي يعمله انا مش هفضل ف موالها ده لوحدي وبفكر اقول لابوها نرفض اي حد يتقدملها ونقعد بقي نشوف هنعمل ايه ماهي مش هتستحلي نفسها لا ده ممكن لا تطول تعليم ولا جواز ولا اي حاجه

مريم : معلش خلي حكايه ابوها دي بعدين لما نعر فعلا بتكلمه ولالا وبعدين مشي موضوع الخطوبه ده ... ف رائ ده الحل بجد عشان تبعديها عن التانى ويكون حاجه قدامك

ام مروه: انا بفكر اكلمها قدامك تستني لما تيجي من المدرسه هس زمانها جايه
مريم : طيب

ولما جت مروه

مروه :انتى عندنا بتعملي ايه

مريم (بخنقه ) : ايه مش عاوزانى امشي يعنى

مروه : لا اصلك بلبس المدرسه وجايه وانا بره ايه انتى وامي بتتقفو عليا ولا ايه

مريم : مروه احنا مش هنلف ولا هندور انتى لسه بتكلميه ؟