عالمحطة … عالمحطة
واللي شفته أنا عالمحطة
طلعت الخفة أم شنطة
سلم الأوتوبيس … بنطة
حتة ملعب (بضم الميم ، أي ذات لعب ودلال) … والأكاده (أي بالتأكيد)
في الأوام (القوام) والحسن بطة
هيه خشت درجة أولى
والكراسي بإت (بقت أي أصبحت) منطة
سابوا تانية … وغلب تانية
والأطيع (القطيع) على أولى خطى
اللي يهبش في الجونيلا
واللي يعلى … واللي يوطى
بص واحد ماللي ( من الذين) هما دمهم فلفل وشطة
شاف صنايعي في البريمو
آل له خش هناك يا أسطى
تانية أنسب للي زيك
دي الحقيقة بلاش مغالطة
الأسطى آل له … ياعم روق (بتشديد الواو)
دي الحياة تحب المباسطة
وانت شايف … مش مغمض
حاجة ملبن … حاجة إشطة (قشدة)
والا يعني الكون حيخرب
لو فقير يلهط له لهطة ؟
موضوع: احمد فؤاد نجم( ع المحطه) 
الثلاثاء مارس 23, 2010 9:33 pm